தில்லு துரை நெம். 1 சங்கர் குருசாமி

Posted on

கேள்விகள் : சித்தூர்.முருகேசன்
பதில் தந்த சக பதிவர் : சங்கர் குருசாமி
பதிவரின் வலைப்பூ : http://anubhudhi.blogspot.com/

1.உங்களை என்னன்னு அறிமுகப்படுத்திக்க விருப்பம்? உங்க ப்ரொஃபெஷன் தவிர்த்து . ப்ளாகர்.. – க்ரியேட்டர் – திங்கர் ரஜினி காந்த் ரேஞ்சுல ம..னி…தன்னு சொல்லிராதிங்க

ஆன்மீக தேடுதல் உள்ள ஒரு சாமானியன்….

2.உங்க குடும்ப பின்னணி – அது இன்றைய உங்களின் உருவாக்கத்துக்கு எந்த அளவு உதவியா இருந்ததுன்னு சொல்லுங்க

இளம் வயசிலயே குடும்ப பாரம் ஏற்க நேரிட்டதால நிறைய கஷ்டங்கள் என்னை பண் படுத்தி இருக்கிறது. அதில் விளைந்த அனுபவங்கள் எனது ஆன்மீக வாழ்வுக்கு ஒரு வழிகாட்டியா இருந்திருக்கு.

3.உங்க மாணவப்பருவத்தை கல்வியை எஞ்ஜாய் பண்ணிங்களா? ஆம் என்பது உங்க பதில்னா எந்த அளவுக்கு? இல்லைன்னா ஏன்? இன்றைய மாணவர்களுக்கு எதுனா சொல்லவிரும்பறிங்களா?

அவ்வளவா இல்லை. ஏன்னா எனக்கு ஆர்வமுள்ள பல விஷயங்கள என்னால சுதந்திரமா செய்ய முடியல. வெறும் அறிவியல், கணக்கு, வரலாறு, புவியியல் என்று பாடங்களை மனப்பாடம் செய்து அலுத்ததுதான் மிச்சம். இதில் கணக்கு மட்டும் கொஞ்சம் விதிவிலக்கு.

மனப்பாடம் செய்து மட்டுமே எழுதும் தேர்வு முறை ஒழிக்கப்படணும். பல துறைகளில் வல்லுனர்களை உருவாக்காம வெறும் பொறியாளர்களைமட்டுமே உற்பத்தி செய்யும் நம் கல்வி முறை மிக கேடானது.

4.நீங்க கற்ற கல்வி உங்க ப்ரெட் ஹன்டிங்குக்கு ஹெல்ப் ஃபுல்லா இருந்ததா? ஆமான்னா எந்த அளவுக்கு? இல்லேன்னா பின்னே எப்படி சமாளிச்சிங்க?

எனக்கு வேலை வாங்கி கொடுக்க நிச்சயம் உதவியா இருந்தது. ஆனா நான் கல்லூரியில் படித்த பாடங்கள் எதுவுமே நான் இதுவரை உபயோகப்படுத்தினதில்லை.

5.இன்றைக்கு களம் கண்டிருக்கும் கணிணி இன்டர் நெட் இத்யாதி உங்க அகடமிக் சில்லபஸ்ல இருந்ததா? இல்லேன்னா இதுகளோட உங்களுக்கு எப்படி அறிமுகம் ஏற்பட்டது? கற்றுக்கொடுத்த குருன்னு ஆருனா உண்டா?

இன்றைய கணிணி பாடங்கள் அப்போது இல்லை. அப்போது நாங்கள் படித்த கணிணி பாடங்கள் இப்போது உபயொகத்தில் இல்லை. எங்கள் அலுவலகத்தில் இருக்கும் சக ஊழியர்கள் மூலம் கற்றதுதான்.

6.இன்றைய உங்களுக்கான அடையாளங்கள் உங்க லைஃப்ல எந்த வயசுலருந்து தெரிய ஆரம்பிச்சது? பதிவரா உங்க கேரியர் பற்றி பத்து வரிகளில் சொல்லவும்

எனது 22வது வயதுல தெரிய ஆரம்பிச்சது. கஷ்டங்கள் அப்போதுதான் அதிகம் வர ஆரம்பிச்சதால ஆன்மீக தேடல் தொடங்குச்சு. அதுக்கப்புறம் அதில் பல ஏற்ற இறக்கங்கள் அனுபவங்கள்… இன்றைய நிலையில் இருக்கிறேன்.

உண்மையிலேயே பதிவரா நான் ஆனது என் அலுவலகத்தில் எனக்கு அதிக வேலை கொடுக்காமல் அதிக நேரம் சும்மா இருக்க நேரிட்டதாலதான். எனக்கு ஆர்வமுள்ள, என்னை பாதித்த விசயங்களை எழுதுகிறேன் அவ்வளவே. இதனால் மத்தவங்களுக்கும் ஒரு பாடம் கிடைக்கும்னும் நம்புறேன். அரசியல் ஆன்மீகம் சமூகம் இவை மூன்றும்தான் எனது ஆர்வம். அது பற்றி மட்டுமே எழுதுகிறேன். நான் எனக்கும் பிறருக்கும் பயனுள்ளவைன்னு கருதுவதை மட்டுமே எழுதுகிறேன்.

7.ஒரு மனிதனோட செக்ஸ் குறித்த பார்வைய ஆரு தராய்ங்க? இது அவனோட வாழ்க்கைய எந்தளவுக்கு இன்ஃப்ளுயன்ஸ் பண்ணும்? உங்க அனுபவம் என்ன?

அவருடைய நண்பர்கள் கிட்ட இருந்துதான் முதல்ல ஆரம்பிக்கணும். இருந்தாலும் சில வீடுகள்ல பெற்றோர், சகோதர, சகோதரிகள் கிட்ட இருந்தும் ஆரம்பிக்கிறார்கள். செக்ஸ் பத்தி நம் ஆழ் மனதில் இருக்கக் கூடிய பாதிப்பு இது எங்கிருந்துவந்தாலும் அதை பிடித்துக்கொள்ளும் அளவுக்கு இருக்கிறது. நம் எதிர்பாலினத்தார் சம்பந்தமாக எது செய்தாலும் அதில் இந்த விசயம் கலந்து நிற்பதை தவிர்க்கமுடியாது. சில சமயங்களில் நேர் மறையாகவும், பலசமயங்களில் எதிர் மறையாகவும்.

8.அன் எம்ப்ளாய்டா இருந்திருக்கிங்களா? அந்த அனுபவத்தை சொல்லலாமே.. இன்றைய உத்யோக வேட்டையில இருப்பவர்களுக்கு எனி டிப்ஸ்

கல்லூரி முடிச்சதும் ஒரு ஆறு மாதங்கள் இருந்திருக்கிறேன். சோற்றுக்கு வழியில்லாமல் அலைந்திருக்கிறேன். உண்மையான உறவுகள், நட்புகள் என்பது எப்படிப்பட்டது என்பதை அடிபட்டு அனுபவித்து இருக்கிறேன்.

இன்றைய உத்தியோக வேட்டையில் இருப்பவர்கள் தங்கள் திறமையை மட்டும் நம்பி களத்தில் இறங்கினால் வெற்றி நிச்சயம். தன்நம்பிக்கையும், தைரியமும், கற்றுக்கொள்ளும் ஆர்வமும், பணிவும் இன்றைய நிலையில் ஒரு உத்தியோகத்துக்கு தேவையாக இருக்கிறது. இவை இருந்தால் எந்த உத்தியோகத்திலும் ஜொலிக்கலாம்.

9 கன்றுக்குட்டி காதல்? காதல்? துரதிர்ஷ்டவசமா ஏற்கெனவே திருமணமாகியிருந்தா , .உங்க திருமணம் பற்றி சொல்லுங்க. ( வீட்ல படிக்கமாட்டாய்ங்கங்கற தில் இருந்தா டீன் ஏஜ்ல செய்த பிரபல சில்மிஷம் ஒன்னை பகிர்ந்துக்கோங்க.

திருமணம் என்பது பற்றி எனக்கு பல சந்தர்ப்பங்களில் இருந்த மாறு பட்ட கருத்துகள் என்னை ஒரு குழப்ப வாதியாகவே வைத்திருந்தது. என் தியான ஆசிரியர் அதை தன் ஆலோசனைகள் மூலம் கொஞ்சம் கொஞ்சமாக மாற்றி ஒரு சரியான வழி காட்டி உதவினார்கள். வீட்டில் ஏற்பாடு செய்த திருமணம். ஆரம்பத்தில் சற்று தடுமாறினாலும் இப்போது கொஞ்சம் சுமுகமாக சென்று கொண்டிருக்கிறது.

10.இன்னைக்கு கமிட்டட் பேச்சலர்ஸ் எண்ணிக்கை அதிகமாயிட்டாப்லயும் – விவாகரத்துக்களோட சதவீதம் அதிகமாயிட்டாப்லயும் ஒரு தோற்றம் இருக்கு. இது நெஜம் தானா? இது இப்படி தொடர்ரது நல்லது தானா?

இது வெறும் நகர்ப்புறங்கள் பற்றிய கருத்துதான் என்பது என் எண்ணம். இது தொடர்ரது நல்லது இல்லை. அவசரப்படாமல் நடுநிலையோடு யோசித்து தம்பதிகள் / இளைஞர்கள் செயல்பட்டால் இதை பெரும்பகுதி தவிர்க்கலாம் என்பது என் எண்ணம்.

11.ஆண் பெண் சனத்தொகையில வித்யாசம் வந்துருச்சு – பெண் சனத்தொகை குறையுதுங்கறாய்ங்க.இதனோட விளைவுகள் பற்றி சொல்லுங்க

இது மிக ஆபத்தான ஒரு நிலை. இப்பொழுதே பல சமூகங்களில், சாதிகளில், பெண்களின் குறைந்த எண்ணிக்கையின் விளைவுகள் திருமண சந்தையில் அப்பட்டமாக தெரிய ஆரம்பிக்கிறது. அதுவும் சற்று படித்த பெண் வேண்டும் என்று தேடுபவர்கள் பாடு திண்டாட்டமாக ஆகிவிட்டது.

12.உங்களோட சமூகம் குறித்த பார்வை ?

நான் எனது என்ற இன்றைய சமூகம் மீது என்க்கு ஒரு கோபமே உண்டு. நாம் நமது என்ற சிந்தனை கொஞ்சமும் வருவதில்லை. பொதுநல எல்லைகள் மிகவும் குறுகிவிட்டன. எல்லாம் தனக்கு மட்டுமே என்ற சிந்தனையின் விளைவு இன்றைய ஒரு தலைமுறையையே பாதித்து விடுமோ என்று சற்று அச்சமாகவும் இருக்கிறது.

ஒரு சார்புநிலை சமூகத்தில் வாழவே நான் ஆசைப்படுகிறேன். ஆனால் இன்று வரை தனிமையாகவே இருக்கிறேன். ஏனெனில் கிடைக்கவில்லை / வாய்க்கவில்லை. இது சமூகம் குறித்து என் தனிப்பட்ட வருத்தம்.

13.மனித உறவுகள் மேம்பட்டுள்ளதா? மலினப்படுத்தப்பட்டுள்ளதா?

மிகவும் மலினப்பட்டுள்ளது. சக மனிதனை மதிப்பதில் யாருக்குமே அக்கரை இருப்பதாக தெரியவில்லை. அதுவும் சற்று உயர் நிலையில் இருப்பவர்கள் சிந்தனை மிகவும் குறுகியதாகவே இருக்கிறது.

14.இந்த உலகம் மிரட்டுதா? பரிதாபப்பட வைக்குதா?

பரிதாபப்படவே வைக்கிறது.

15.தனிமனிதர்கள் முதல் மத்திய அரசு வரை பொருளாதார பொறுப்பின்மை நாளுக்கு நாள் ஓங்குது..இதுமேல ஓங்கி ஒரு குட்டுவைங்க

தனிமனிதர்களின் பொருளாதார பொறுப்பின்மை என்பது இன்றைய தலைமுறையில்தான் அதிகம் தெரிகிறது. பகட்டுக்காக செலவு என்பதை ஒழிக்க முன்வந்தால்தான் தனிமனித பொருளாதாம் முன்னேறும்.
அரசின் பொருளாதார பொறுப்பின்மை நம் விலைவாசிகளில் நேரடியாக எதிரொலிக்கிறது. அரசில் இருப்பவர்கள் (அதிகாரிகள், மக்கள் பிரதிநிதிகள்) தங்கள் சொந்த ஆதாயத்துக்காக மட்டுமே பணிசெய்வதால் இது நேர்கிறது. திருந்தினால் தேவலை.

16.எல்லாரும் எதிர்பார்த்த கில்மா மேட்டருக்கு வரேன். இது அத்யாவசியமா? அவசியமா? ஆடம்பரமா?

என்னைப்பொருத்தவரை இது அத்தியாவசியம். இது ஒவ்வொருவரின் சூழலுக்கும், வளர்ப்புக்கும், வயதுக்கும் தகுந்தவாறு மாறுபடும் என்று எண்ணுகிறேன்.

17.கில்மா ஆன்மீகத்துக்கு உதவியா ? உபத்திரவமா? உண்மையான ஆன்மீகம்னு எதை சொல்விங்க?

என்னைப்பொருத்தவரை இது உதவியே. உண்மையான ஆன்மீகம் என்பது தனிமனித ஒழுக்க மேம்பாட்டில் தான் தெரியும். நாம் ஆன்மீகவாதியா என்பது நம் வாழ்வில் நாம் கடைபிடிக்கும் தனிமனித ஒழுக்க நெறிகளும் நம் வாழ்க்கை முறையுமே.

18.இருபது வருடத்துக்கு முந்திய மனிதர்களையும் – இன்றைய மனிதர்களையும் ஒப்பிட்டுபார்த்தா மிஞ்சுவது பெருமூச்சா? ஏக்கமா? துக்கமா?

மூன்றும் இல்லை. அன்றைய சூழலில் அவர்கள் வாழ்க்கைமுறை இருந்ததற்கும் இப்போது இருப்பதற்கும் மிகுந்த முன்னேற்றம் இருக்கிறது.

19.அரசியல் சனங்க வாழ்க்கைய நேரடியா பாதிக்குதுன்னு நம்பறிங்களா?

நிச்சயம். நம் வாழ்வின் ஒவ்வொரு அங்கத்தையும் இது நேரடியா பாதிக்குது.

20.கலை,இலக்கியம், சினிமா பற்றிய உங்கள் கருத்து?

நிச்சயம் சமூகத்துக்கு தேவையான ஒண்ணு. ஆனா இதன் பயன்பாடு, நுகர்வு சற்று அளவோடு இருந்தால் நல்லதுன்னு நினைக்கிறேன்.

21 உங்களை அதிரச்செய்த .வலையுலகத்தின் இருண்ட பக்கம் ? உங்களை ஒரு ப்ளாகரா பெரும் மகிழ்ச்சிக்குள்ளாக்கிய நிகழ்ச்சி

இருண்ட பக்கங்கள் – ஒருவர் நண்பரா பழகி பணம் ஏமாத்துறதா வந்த செய்தியும், சாதி துவெஷம் கொடி கட்டி பறக்கறதும் தனிமனித தாக்குதல்கள் சற்று ஓவரா இருக்கறதும்

மகிழ்ச்சிக்குள்ளாக்கிய நிகழ்ச்சி – இதுவரை ஏதும் சொல்லிக்கொள்ளும் படி இல்லை.

22. உங்களுக்கு பிடித்த பதிவர்கள்? பதிவுகள்?

சித்தர்கள் முழக்கம் – பாலா ,

கவுன்செல் ஃபார் எனி – ஷண்முகவேல்

சிவயசிவ – சிவ.சி.மா. ஜானகிராமன்

அனுபவ ஜோதிடம் – சித்தூர் முருகேசன்,

மச்ச முனிவரின் சித்த ஞான சபை – சாமீ அழகப்பன்

லிவிங் எக்ஸ்ட்ரா,

சவுக்கு – சங்கர்

உண்மைதமிழன் – சரவணன்,

23. ஜோதிடம் மற்றும் அனுபவஜோதிடம் தளம் பற்றிய உங்கள் கருத்து?

மிக யதார்த்தமான தளம். நிறைய தகவலகள். ஜோதிடம் என்பது ஒரு அன்னியமான விசயம் இல்லை அதுவும் ஒரு வாழ்வியல்தான் என்று சொல்லும் ஒரு முக்கியமான தளம்.

24. இந்த கேள்விகளுக்கு பதில் தரும்போது ங்கொய்யால பொஞ்சாதி கூட இத்தீனி கேள்வி கேட்டதில்லைனு நொந்துக்கினிங்களா? நம்ம கருத்துக்களை தவளைப்பாய்ச்சல்ல சொல்ல ஒரு களம் அமைத்துக்கொடுத்ததுன்னு நினைச்சிங்களா?

நம்ம கருத்துக்களை தவளைப்பாய்ச்சல்ல சொல்ல ஒரு களம் அமைத்துக்கொடுத்ததுன்னு நினைச்சேன்.

25.இதுல நான் கேட்க மறந்த – நீங்க ரெம்ப நாளா பகிர்ந்துக்க நினைச்சு பகிர முடியாத விசயம் எதுனா இருந்தா சொல்லுங்க

எதுவும் இல்லை…

2 thoughts on “தில்லு துரை நெம். 1 சங்கர் குருசாமி

    சிவ யோகி said:
    June 9, 2011 at 9:43 am

    Super Answers🙂

    வணக்கம்…

    கேள்வி கேட்ட முருகேசன் சாருக்கும்..
    பதில் தந்த தோழர் சங்கர் குருசாமிக்கும்..

    குறிப்பாக சங்கர் குருசாமி அவர்களுக்கு..
    ஆண்டவன் அனுபூதி என்ற அருமையான வலைத்தளத்தை நடாத்தி வரும்
    அவருக்கு எனது வாழ்த்துக்களும் வணக்கங்களும்..

    மேலும் அடியவனது ” சிவயசிவ ” வலைத்தளத்தையும் + எம்மையும் அவருடைய பிடித்த பதிவர் + வலைத்தளம் பட்டியலில் வைத்திருப்பதற்கு நெஞ்சார்ந்த நன்றியை உரித்தாக்கிக் கொள்கிறேன்..

    நன்றி சங்கர் குருசாமி அவர்களே..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s